მომავალ წელს, თბილისის მერია მუნიციპალური ავტობუსების პარკის განახლებას გეგმავს, რის შედეგადაც, ქალაქს 100 ახალი ევროპული სტანდარტის, ეკოლოგიურად სუფთა, უსაფრთხო და კომფორტული ავტობუსი შეემატება. თითოეული მათგანი ადაპტირებული იქნება შეზღუდული შესაძლებლობის მქონე პირთათვის და ექნება სპეციალური პანდუსები. ასევე, ავტობუსები აღჭურვილი იქნება კონდინცირების სისტემით. 

6-12 ოქტომბერს, სენაკში კოალიცია დამოუკიდებელი ცხოვრებისათვის ეტლით მოსარგებლეთა აქტიური რეაბილიტაციისა და დამოუკიდებელი ცხოვრების სასწავლო ბანაკს აწყობს, რომელშიც საქართველოს სხვადასხვა რეგიონიდან, 20-მდე შეზღუდული შესაძლებლობის მქონე პირი იღებს მონაწილეობას. 7 ოქტომბერს, სასტუმრო „ეა“-ში, პრეზიდენტობის კანდიდატი, კოალიცია „ქართული ოცნებიდან“, გიორგი მარგველაშვილი ხსენებული ბანაკის მოაწილე  შეზღუდული შესაძლებლობის მქონე პირებს შეხვდა, რომლებმაც კანდიდატს გააცნეს ამ სფეროში არსებული პრობლემები, საჭიროებები და შესაძებლობები. ასევე მოისმინეს ბატონი მარგველაშვილის ხედვა ამ საკითხთან დაკავშირებით.

აშშ-ის საელჩოში გამართულ შეხვედრაზე, რომელსაც აშშ-ის ელჩი რიჩარდ ნორლანდი უძღვებოდა, შშმ პირთა საზოგადოებაში ინტეგრაციის საკითხებზე იმსჯელეს. მოწვეულ სტუმრებს შორის იყვნენ  სახალხო დამცველი უჩა ნანუაშვილი, დეპუტატი გიგი წერეთელი, იუსტიციის მინისტრის მოადგილე გოჩა ლორთქიფანიძე და შშმ პირთა ორგანიზაციების წარმომადგენლები.

14 ივნისს, შეზღუდული შესაძლებლობის მქონე პირთა უფლებების დაცვის დღე საქართველოში.  რუსთაველის მეტროს მიმდებარე ტერიტორიაზე  შშმ ახალგაზრდებმა პროესიონალ მოცეკვავეებთან ერთად  პირველი ფლეშმობი  გამართეს, მაყურებლის წინაშე ფრისტაილი იცეკვეს და საზოგადოებას მათი ინტერესების დაცვისა და მიღწევების დაფასებისკენ მოუწოდებს...

12 ივნისს, ქ. ქუთაისში, საქართველოს პარლამენტის მიმდებარე ტერიტორიაზე სოლიდარობის სპორტული აქცია გაიმართა. აქციაში მონაწილეობა ეტლით მოსარგებლე პირებმა და  საქართველოს პარლამენტის წევრებმა მიიღეს. აქციის მიზანია: კანონმდებლობის მხრიდან შეზღუდული შესაძლებლობის მქონე პირთა საჭიროებების უკეთ გაცნობა და გადაწყვეტილების მიღების დროს მათი გათვალისწინება. 

საქართველოს პარლამენტში, 2013 წლის 11 ივნისს, იურიდიული კომიტეტის მიერ, გაეროს 2006 წლის შშმ პირთა უფლებების დაცვის კონვენციის რატიფიცირების ჩაგდება, მიგვაჩნია, არაპოზიტიურ მოვლენად. აღსანიშნავია, რომ „კოალიციის დამოუკიდებელი ცხოვრებისათვის“ წარმომადგენლები, არ ესწრებოდნენ 11 ივნისის შეხვედრებს კომიტეტებში, რადგან ჩვენთვის წინასწარ არ იყო ცნობილი, თუ იურიდიული კომიტეტი  კონვენციის რატიფიცირების საკითხს განიხილავდა, ხოლო არასამთავრობო სექტორიდან დამსწრე 3-4 წარმომადგენელმა, მათი გამოუცდელობის გამო, სრულფასოვნად ვერ განახორციელეს უფლებების დაცვა.